مسلم لیگ (ن) کے قائد میاں نواز شریف کی سعودی عرب کے ایک وفد سے ملاقات معمہ بن گئی۔

نواز شریف سے سعودی وفد کی ملاقات کی خبر اتوار کو روز آئی۔ نیوز ایجنسی این این آئی سے جاری ہونے والی یہ خبر بزنس ریکارڈ میں بھی شائع ہوئی۔

تاہم اس کے ساتھ ہی ذرائع کے حوالے سے نوائے وقت سمیت بعض اخبارات نے خبر دی کہ ایسی کوئی ملاقات نہیں ہوئی ہے۔

نواز شریف مری میں مقیم تھے اور پیر کے روزوہ سیاحتی مقام سے اسلام آباد روانہ ہوئے ہیں۔مری میں قیام کے دوران نواز شریف نے کئی ملاقاتیں کیں۔

ذرائع کا کہنا ہے کہ اسلام آباد میں قیام کے دوران نواز شریف کی اہم سیاسی ملاقاتیں متوقع ہیں۔

پاکستان میں حکومت سازی کے دوران نواز شریف کی سعودی وفد سے ملاقات کی خبر اہم ہے تاہم اس کی حتمی تصدیق نہیں ہوسکی۔