جے یو آئی کی خواتین کی مخصوص نشست پر کاغذات نامزدگی کس نے جمع کروائی؟ الیکشن کمیشن نے تفصیلات بتا دی، ریٹرننگ افسر کے پاس کاغذات نامزدگی صدف احسان نامی خاتون نے جمع کروائے جبکہ جے یو آئی کی ترجیحی فہرست میں صدف یاسمین کا نام شامل تھا۔

الیکشن کمیشن کا کہنا ہے کہ صدف یاسمین نامی کسی خاتون نے کاغذات نامزدگی جمع نہیں کروائے۔

الیکشن کمیشن نے معاملے پر سماعت کا فیصلہ کر لیا، جمیعت علمائے اسلام اور دیگر فریقین کو نوٹسز بھی جاری کر دیئے جبکہ الیکشن کمیشن نے متعلقہ ریٹرننگ افسر کو معطل کر کے نکوائری کا حکم دے دیا۔

واضح رہے کہ جے یو آئی (ف) کے سربراہ مولانا فضل الرحمان نےنوٹیفکیشن منسوخ کرکے تحقیقات کرنےکی درخواست دی تھی۔مولانا فضل الرحمان نے درخواست میں موقف اپنایا تھا کہ صدف احسان نہ پارٹی رکن ہیں اور نہ یہ نام ہماری فہرست میں ہے، صدف احسان کا نوٹیفکیشن منسوخ کرکے حنا بی بی کا نوٹیفیکیشن جاری کیا جائے اور اجنبی خاتون کے نوٹیفکیشن کی تحقیقات کرائی جائیں۔