پاکستان کے چاند پر بھیجے گئے مشن کی اہم پیشرفت سامنے آگئی۔ آئی کیوب قمر سے چاند کی پہلی تصویر موصول ہوگئی۔

سپارکو کے مطابق آئی کیوب قمر نے چاند کے گرد 3 چکر لگا لیے ہیں، اور پہلی تصویر بھی موصول ہوگئی ہے۔

یاد رہے کہ پاکستان نے تاریخی خلائی مشن چاند کے سفر پر روانہ کیا تھا۔ سیٹلائٹ آئی کیوب قمر کی لانچ کو لائیو ٹیلی کاسٹ کیا گیا تھا۔

سیٹلائٹ چین کی شنگھائی یونیورسٹی اور سپارکو نے مل کر تیار کیا، چاند کی سطح کی تصاویر لینے کیلئے آئی کیوب۔ قمر میں دو آپٹیکل کیمروں سے لیس ہے۔

دو روز قبل پاکستان کا پہلا سیٹلائٹ آئی کیوب قمر چاند کے مدار میں داخل ہوا تھا۔ یہ خلائی مشن مدار کی جانچ اور تصدیق میں ذیلی نظام کا جائزہ لے رہا ہے۔

مدار پر پہنچنے کے بعد سیٹلائٹ ڈیزائن کے مطابق کارکردگی دکھا رہا ہے، اور اب آئی کیوب قمر سے چاند کی پہلی تصویرموصول ہوگئی ہے۔