Aaj News

بدھ, جون 12, 2024  
05 Dhul-Hijjah 1445  

تحریک تحفظ آئین پاکستان کا اسلام آباد میں جلسہ کرنے کا اعلان، تاریخ سامنے آگئی

جلسے کے حوالے سے پی ٹی آئی جنرل سیکرٹری عمر ایوب نے ایکس پر اطلاع دی
شائع 20 مئ 2024 11:18pm

تحریک تحفظ آئین پاکستان نے 8 جون کو اسلام آباد میں جلسہ کرنے کا اعلان کر دیا۔

سماجی رابطے کی ویب سائٹ ایکس (ٹوئٹر) پر اپنے ٹویٹ میں قومی اسمبلی میں اپوزیشن لیڈر عمر ایوب نے بتایا کہ پی ٹی آئی نے تحریک تحفظ آئین پاکستان کے تحت اسلام آباد میں جلسہ کرنے کا فیصلہ کیا ہے، 8 جون کو اسلام آباد ایف نائن پارک میں جلسے کی اجازت کے لیے درخواست بھی دے دی ہے۔

عمر ایوب نے کہا کہ منگل کو لاہور ہائیکورٹ میں فیصل آباد میں جلسے کی اجازت سے متعلق سماعت ہے، کراچی میں جلسے کا ٹارگٹ 2 جون ہے۔

واضح رہے کہ تحریک تحفظ آئین پاکستان کے سربراہ سینیئر سیاستدان محمود اچکزئی ہیں جبکہ اس میں پاکستان تحریک انصاف سمیت 6 سیاسی جماعتیں شامل ہیں۔

اس سے قبل 19 مئی کو فیصل آباد میں ہونے والا تحریک تحفظ آئین پاکستان کا جلسہ انتظامیہ کی جانب سے این او سی نہ ملنے کے باعث منسوخ کردیا گیا تھا۔

تحریک تحفظ آئین پاکستان میں شامل جماعتوں نے انتخابات میں مبینہ دھاندلی کے خلاف ملک گیر تحریک کا اعلان کررکھا ہے۔

تحریک انصاف سمیت اس اتحاد میں شامل سیاسی جماعتوں کا الزام ہے کہ 8 فروری 2024 کو ہونے والے عام انتخابات میں مینڈیٹ چوری کیا گیا ہے جس میں ادارے ملوث تھے۔

pti

Omar ayub

اسلام آباد

Omar Ayub Khan

umar ayub

Pakistan Tehreek Insaf (PTI)

Tehreek Tahaffuz Aain e Pakistan

islamabad jalsa

Tehreek Tahfuz Ayin e Pakistan