آرمی چیف جنرل راحیل شریف سے امریکی نائب وزیرخارجہ انتھونی بلنکن نے ملاقات کی۔جس میں دو طرفہ تعلقات، خطے کی سیکیورٹی اور افغانستان کی صورتحال پر تبادلہ خیال کیا گیا۔اس موقع پر آرمی چیف جنرل راحیل شریف کا کہنا تھا کہ خطے میں امن واستحکام کے لیے کوشاں ہیں اور آخری دہشتگرد کے خاتمے تک آپریشن ضرب عضب جاری رہے گا۔

آرمی چیف نے کہا کہ افغان مفاہمتی کی کامیابی اورافغانستان میں قیام امن کے لیے پاکستان اپنا کردار ادا کرتا رہے گا۔ اس موقع پر امریکی نائب وزیر خارجہ نے دہشت گردی کے خلاف جنگ میں پاک افواج کی قربانیوں کو سراہا اور کہا کہ افغانستان میں امن واستحکام کے لیے پاکستان کی کاوشیں قابل تحسین ہیں۔