باہو بلی2 کے معروف اداکار ایک آنکھ سے محروم
ممبئی: بھارتی فلم انڈسٹری کی مہنگی ترین فلم "بہو بلی 2"اپنی ریلیز کے بعد سے اب تک کئی ریکارڈز توڑ چکی ہے فلم میں ولن کا کردار نبھانے والے اداکار رانا دگوبتی اپنی بہترین اداکارانہ صلاحیتوں کے باعث لوگوں کے دل میں جگہ بناچکے ہیں۔ فلم میں ظالم اورطاقتور راجا کا کردار نبھانے والے رانا دگوبتی کی حقیقی زندگی جذبات اور غموں سے بھرپور ہے جو لوگوں کو جینے کا مقصد دیتی ہے ،ایک بامقصدپروگرام کے دوران انہوں نے اس بات کا اعتراف کرنے سب کو دنگ کردیا کہ وہ ایک آنکھ سے محروم ہیں۔ سوشل میڈیا پر جاری ہونے والی ویڈیو میں وہ کہتے نظر آرہے ہیں کہ وہ دائیں آنکھ سے نابینا ہیں جبکہ بائیں آنکھ جس سے وہ دیکھتے ہیں وہ بھی انہیں کسی نے عطیہ کی تھی۔
