آج ہم جن کرکٹرز کا ذکر کرنے جارہے ہیں یہ وہ کرکٹرز ہیں جنہوں نے کرکٹ میچ کے دوران ہی اپنی موت کو گلے لگایا ،کرکٹ ایک دلچسپ کھیل ہونے کے ساتھ ساتھ ایک خطرناک کھیل بھی ہے ہمیں افسوس کے ساتھ کہنا پڑرہا ہے کہ اب تک نا جانے کتنے لوگ اس کھیل کو کھیلتے ہوئے اپنی زندگی کی بازی ہار چکے ہیں۔
(Philiph Hughes)فلف ہیوز
سب سے پہلے ہم جس کھلاڑی کا ذکر کرنے جا رہے ہیں وہ حال میں ہی اس خطر ناک گیند کا شکار بنا ہے، گُدّی اور کان کے درمیان لگنے والی ایک گیند نے ان کی جان لے لی وہ کھلاڑی آسٹریلیا کے ”فلف ہیوز“ تھے۔
(Darryn Randall)ڈیرن رینڈال
”ڈیرن رینڈال“ جو ایک جنوبی افریقن فرسٹ کلاس کرکٹر تھے وہ ایک لیگ میچ میں پل شاٹ کھیلتے ہوئے سر کی جانب گیند لگنے کی وجہ سے اسپتال لے جاتے ہوئے راستے میں دم توڑ گئے۔
(Wasim Raja)وسیم راجہ
پاکستانی کرکٹر ”وسیم حسن راجہ“ بھی اس خطر ناک کھیل کا شکار ہوگئے انہوں نے پاکستان کے لئے چوّن ون ڈے اور ستاون ٹیسٹ میچز کھیلے وہ انگلش کاؤنٹی میں سرے کی نمائندگی کر رہے تھے کہ اچانک دل کا دورا پڑنے سے ان کی موت واقع ہوگئی۔
(Ramman Lamba)رمن لامبا
”رمن لامبا“ایک بھارتی کرکٹر تھے جو دہلی کی نمائندگی کرتے تھے وہ بنگلا دیش میں لیگ کرکٹ کھیلتے ہوئے فیلڈنگ کے دوران گیند لگنے سے قوما میں گئے اور پھر ان کی موت واقع ہوگئی۔
(Ian Folley)ایئن فولے
”ایئن فولے“یہ ایک انگلش کر کٹرتھے اور لنکاشائر کی نمائندگی کرتے تھے ایک میچ کے دوران کھیلتے ہوئے گیند ان کی آنکھ پر لگی ان کو اسپتال منتقل کیا گیا کچھ دیر بعد ڈاکٹرز نے بتایا کہ انہیں دل کا دورا پڑا ہے اور وہ انتقال کر چکے ہیں۔
(Wilf Slack)ولف سلیک
”ولف سلیک“ایک انگلش کرکٹر تھے اور مڈل سکس کی نمائندگی کرتے تھے ایک دن بیٹنگ کرتے ہوئے اچانک دل کا دورا پڑا اور دنیا کو خیر باد کہہ گئے۔
(Abdul Aziz)عبدالعزیز
”عبد العزیز“یہ ایک پاکستانی کرکٹر تھے اور دائیں ہاتھ سے بیٹنگ کے ساتھ ساتھ وکٹ کیپنگ بھی کرتے تھے انیس سو انسٹھ کے قائد اعظم ٹرافی کے فائنل میں بیٹنگ کرتے ہوئے ایک آف اسپنر کی گیند دل پر لگنے سے موت کا شکار ہوگئے۔
(Andy Ducat)اینڈی ڈکاٹ
”اینڈی ڈکاٹ“یہ انگلینڈ کے کرکٹر ہونے کے ساتھ فٹبالر بھی تھے انہوں نے اپنے کریئر میں باون سنچریاں بنا رکھی ہیں ،ڈکاٹ وسڈن کرکٹر آف دی ایئر کا ایوارڈ بھی اپنے نام کر چکے ہیں،لارڈز کے میدان میں کھیلتے ہوئے اچانک دل کا دورا پڑنے سے دم توڑ گئے۔
(George Summers)جارج سمرس
”جارج سمرس“یہ بھی ایک انگلش کرکٹر تھے اور ناٹنگھم شائر کی نمائندگی کرتے تھے ایک میچ کے دوران ایک فاسٹ بولر کی گیند سیدھی ان کے سر پر جا لگی اور ان کی موت واقع ہوگئی۔
(Jasper Vinall)جیسپر وینال
”جیسپر وینال“یہ بھی انگلینڈ کے ہی کرکٹر تھے ان کے ساتھ ایک انوکھا واقعہ ہوا تھا بیٹسمین نے جب شاٹ کھیلا تو یہ بالکل قریب فیلڈنگ کر رہے تھے ،بیٹسمین نے کیچ ان کی طرف جاتے ہوئے دیکھا تو بچنے کے لئے گیند کو مارنا چاہا اور دوبارہ بلّا گھمایا جو سیدھا ان کے ماتھے پر جا لگا انہیں اسپتال منتقل کیا گیا اور وہ اس واقعے کے تیرہ دن بعد دم توڑ گئے۔
