بھارتی ٹی وی ڈراموں کی مشہور اداکارہ جوہی پرمار جنہوں نے ڈرامہ سیریل"کم کم"کے ذریعے لوگوں کے دلوں پر راج کیا تھا ، وزن بڑھنے کے باعث ٹی وی اسکرین سے غائب ہو چکی تھیں،اداکارہ نے"کم کم"کے بعد شادی کرلی تھی جس کے بعد ان کے وزن میں بے تحاشہ اضافہ ہو گیا تھا۔
جوہی کو وزن میں اضافے کے باعث ڈرامے ملنا مشکل ہوگئے تھے لہٰذا انہوں نے مختلف ٹی وی شوز میں قسمت آزمائی کی اور کامیاب رہیں،انہوں نے بگ باس سیزن 5 میں نہ صرف حصہ لیا بلکہ شو کی فاتح بھی قرار پائیں۔
لیکن رئیلٹی ٹی وی شوز آمدنی کا مستقل ذریعہ نہیں ہوتے لہٰذا جوہی نے وزن میں 17 کلو کمی کرکے اپنے مداحوں سمیت سب کو حیران کردیا اور اب وہ ایک نئے ڈرامہ سیریل"شَنی"میں کام کرتی نظر آئیں گی،جوہی کے مداح بے چینی سے ان کے نئے شو کا انتظار کررہے ہیں۔
Thanks to: dailydose.pk
