ایم کیوایم کی جانب سے نامزد کردہ کراچی کے میئر وسیم اختر نے آج نیوز سے خصوصی بات چیت کی اور بولے کہ بچہ بچہ جانتا ہے کہ بلدیاتی اختیارات وزیراعلیٰ سندھ کے پاس ہیں۔انہوں نے مزید کہا کہ کراچی میں ایم کیو ایم کی اکثریت ہے مگر منتخب نمائندوں کے پاس اختیارات نہیں۔

وسیم اختر نے سندھ حکومت پر کڑی تنقید کی اور بولے،اگر اختیارات اپنے پاس ہی رکھنا تھے تو انتخابات کیوں کرائے؟ان کہنا تھا کہ انتخابات سے قبل سندھ حکومت سے کئی بار اختیارات کے حوالے سے بات ہوئی، ہمیں یقین دہانیاں بھی کرائی گئیں مگر افسوس کے کوئی وعدہ پورا نہیں ہوا۔