ممبئی:بولی وڈ کے معروف اداکار دھرمیندر کے بیٹے سنی دیول کا شمار  بھارتی فلم انڈسٹری کے مقبول ترین اداکاروں میں ہوتا ہے   اور اب ان کے بیٹے کرن دیول نے بھی اپنے دادا اور والد کے نقش قدم پر چلتے ہوئے بولی وڈ میں قدم رکھ دیا  ہے۔

ہندوستان ٹائمز کے مطابق  سنی دیول اپنے بیٹے کی پہلی فلم کو لے کر کافی جذباتی ہوگئے  اور ٹویٹر پر اپنی اور کرن کی تصویر  شیئر کرتے ہوئے لکھا کہ ان کا بیٹا اب "بڑا" ہوگیا ہے  اور اپنی پہلی فلم"پل پل دل کے پاس"سے فلمی دنیا میں  قدم رکھنے جارہا ہے،ان کے  پیغام سے ظاہر ہورہا تھا کہ انہیں اپنے بیٹے پر بہت فخر ہے۔

Started #palpaldilkepaas .. Karan's first day at shoot.. can't get enough.. my boy has grown big #love #actor #life pic.twitter.com/yf2kyAZFr4

— Sunny Deol (@iamsunnydeol) May 22, 2017

واضح رہے کہ سنی دیول فلم کی ہدایت کاری کے فرائض خود انجام دے رہے ہیں ،فلم کی کہانی  محبت پر مبنی ہے جس کی شوٹنگ بھارتی شہر منالی میں  شروع کردی گئی ہے ،فلم کا ٹائٹل  دھرمیندر  کے مشہور گانے"پل پل دل کے پاس " سے متاثر ہو کر رکھا گیا ہے۔

سنی دیول کا کہنا ہے کہ زندگی  کبھی رکتی نہیں وہ آپ کو  وہ سب واپس لوٹاتی ہے جو  آپ نے اسے دیا ہے ،میرے والد نے مجھے فلموں میں لانچ کیا اور اب میں اپنے بیٹے کو لانچ کررہاہوں ،میرا بیٹا اپنے ایکٹنگ کیرئیر کو لے کر  بہت پرجوش ہے  مجھے یقین ہے  ایک دن اس پر تمام لوگوں کو فخر ہوگا۔