عامر خان بولی وڈ انڈسٹری میں مسٹر پرفیکٹ کے نام سے جانے جاتے ہیں جس کی وجہ ان کا ہر کردار میں خود کو اس طرح ڈھالنا ہے کہ کہیں سے کوئی کسر باقی نہ رہے۔

مسٹر پرفیکٹ کا مقصد یہی ہوتا ہے کہ ہر چیز کو اس کی پوری پرفیکشن کے ساتھ ادا کیا جائے۔ اسی لئے وہ کردار کی ضروریات اور اس کی نوعیت کو دیکھتے ہوئے اپنا حلیہ بھی تبدیل کرنے میں بھی نہیں ہچکچاتے اور کچھ ہی وقت میں اپنے اندر ایسی تبدیلی لے آتے ہیں کہ دنیا کی آنکھیں کھلی کی کھلی رہ جاتی ہیں۔

عامر خان اپنی جسمانیت کو بدلتے موسم کی طرح بدلنے کی بھر پور صلاحیت رکھتے ہیں جس کی بہترین مثال ان کی فلم 'دنگل' سے لے کر اب تک آنے والی تبدیلی ہے۔

عامر خان کے ایک مداح نے سوشل میڈیا پر ان کی نئی فلم 'ٹھگ آف ہندوستان' کی شوٹنگ کے درمیان لی گئی تصویروں کو شیئر کیا جس میں حیران کن تبدیلی دیکھی جاسکتی ہے۔انہوں نے اپنا وزن دوبارہ 120 کلو سے کم کرکے 70 کلو کرلیا ہے۔

انہوں نے نہ صرف اپنا وزن کم کیا بلکہ اپنی جسامت کی بناوٹ کو بھی تبدیل کرلیا ان کے کندھے پورے کریئر میں ایسے نہ تھے جیسے اب انہوں نے بنائے ہیں۔ حالانکہ ان کے گھر والے بارہا ان کو صحت کے حوالے سے خبردار کرتے رہتے ہیں لیکن وہ جتنی بار بھی اپنے اندر تبدیلی لاتے ہیں سب کو حیران کر دیتے ہیں۔