دہشتگردوں کا خاتمہ کرتے جانباز سپاہیوں کے گرد گھومتی کہانی فلم یلغار اور ایکشن اور رومانیت سے بھرپور فلم مہروالنسا وی لب یو آج سینما گھروں کی زینت بن گئی ہے۔
عید کی خوشیوں دوبالا کرنے کیلئے عید کے روز دو پاکستانی فلمیں شائقین کیلئے پیش کی جارہی ہیں۔جن میں یلغار مہروالنسا وی لب یو شامل ہیں۔
فلم یلغار میں ہدایتکار حسن ران کی فلم یلغارکی کہانی پارا چنار میں عسکریت پسندوں کا مقابلہ کرنے والے فوجیوں کی ہے۔
فلم میں شان اور عدنان صدیقی ایس ایس جی کمانڈوز کے روپ میں جلوہ گر ہوئے ہیں۔
فلم رانگ نمبر کے ہدایت کار یاسر نواز کی فلم مہروالنسا وی لب یو بھی فلم بینوں کی توجہ بننے کیلئے تیار ہے۔
فلم میں دانش تیمور اور ثناء جاوید مرکزی کردار ادا کرہے ہیں،فلم کے شاندار سیٹ اور خوبصورت گانوں کی عکسبندی نے پہلے ہی عوام کی توجہ اپنی جانب مبذول کروالی ہے۔
