بولی وڈ کے بادشاہ شاہ رخ خان کے مداحوں کی تعداد کروڑوں میں ہے اور ہر مداح کی یہ ہی خواہش ہوتی ہے کہ جس سلیبرٹی کو وہ خوابوں میں دیکھتا ہے حقیقی زندگی میں بھی اس سے ایک بار ضرور مل سکے۔

ایسا ہی ایک واقعہ فلم 'جب ہیری میٹ سیجل' کے گانے 'بیچ بیچ میں' کے لانچ کے موقع پر دیکھنے آیا جہاں شاہ رخ خان اور انوشکا شرما دونوں موجود تھے۔

اس موقع پر کنگ خان کا ایک مداح بڑے جتن کے بعد ان کے قریب پہنچ گیا اور زور زور سے رونے لگا۔ شاہ رخ خان نے جب یہ منظر دیکھا تو اسے اپنے پاس بلایا اور سیلفی لینے کو بھی کہا۔

جس کے بعد وہ مداح مزید اپنے جذبات پر قابو نہ رکھ سکا اور فرطِ جذبات میں مزید پھوٹ پھوٹ کر رونے لگا، یہ منظر گانے کی لانچ پر موجود سینکڑوں کیمروں نے محفوظ کیا۔

اس وقت انٹرنیٹ پر یہ ویڈیو وائرل ہوگئی ہے اور اسے سوشل میڈیا پر بہت پسند بھی کیا جارہا ہے۔

https://youtu.be/UfHFwj9vdNQ