مشہور امریکی ٹی وی سیریز ٹرو بلڈ کے معروف اسٹار نیلسن ایلس انتقال کر گئے ہیں۔

ان کی منیجر ایملی گیرسن سینز نے 39 سالہ اداکار کی موت کی تصدیق دی ہالی ووڈ رپورٹر کو کی۔

سینز کا کہنا تھا کہ نیلسن ہارٹ فیل ہونے کے سبب انتقال کرگئے ہیں۔

ان کا مزید کہنا تھا کہ وہ ایک زبردست ٹیلنٹ تھے اور ان کے الفاظ اور موجود گی ہمیشہ یاد کی جائے گی۔

نیلسن کی ٹرو بلڈ کی ساتھی اداکارہ اینا پیکوئن کا کہنا تھا کہ اس زبردست ٹیلنٹ کے ساتھ کام کرنا بہت فائدہ مند رہا اور میں ان کی موت سے ٹوٹ گئی ہوں۔

جیسیکا کیسچین، اوکٹیویا سپینسر کے علاوہ اوروں نے بھی غم کا اظہار ٹوئٹر پر کیا اور نیلسن کے گھر والوں سے تعزیت کی۔