دوسری جانب وزیراعظم نے وفاقی وزرا پرویز رشید ، عبدالقادر بلوچ اور بلیغ الزمان کو بھی ہدایت کی کہ وہ صوبائی حکومت اور سیکیورٹی فورسز کے ساتھ ہر ممکن تعاون کریں تاکہ سانحہ میں ملوث افراد کو جلد کیفر کردار تک پہنچایا جاسکے ۔

ادھر پاک فوج کے سپہ سالار جنرل راحیل شریف بھی باچا خان یونیورسٹی پہنچے جہاں انہوں نے آپریشن میں حصہ لینے والے پاک فوج کے افسران اور جوانوں سے ملاقات کی،اس موقع پر آرمی چیف کو باچاخان یونیورسٹی پر حملے اور ریسکیو آپریشن پر بریفنگ دی گئی۔