ہری پور اور خیبر ایجنسی میں بارش کے باعث مکانات کی چھتیں گرنے سے بچی سمیت دو افراد جاں بحق جبکہ سات افراد زخمی ہو گئے۔ہری پور کے نواحی علاقے علی خان میں بارش کے باعث مکان کی چھت گرنے سے ایک بچی جاں بحق اور چار افراد شدید زخمی ہوگئے جنھیں ڈی ایچ کیو اسپتال منتقل کر دیا گیا۔خیبر ایجنسی کی تحصیل جمرود کے علاقے غنڈی میں بھی بارش کے باعث مکان کی چھت گر گئی جس کے نتیجے میں ایک شخص جاں بحق جبکہ متعدد زخمی ہو گئے، زخمیوں میں خاتون اور بچے بھی شامل ہیں۔
