اب تک کی تحقیقات کی روشنی میں کالعدم تحریک طالبان کو افغان سرزمین سے مدد ملی۔آرمی چیف جنرل راحیل شریف نے افغان قیادت کو بتایا کہ تحقیقات میں شواہد واضح ہیں۔حملے میں کالعدم تحریک طالبان ملوث ہے، دہشتگردوں کا افغان سمز کے ذریعے افغان علاقوں میں رابطہ تھا۔

آرمی چیف نے اس عزم کا اظہار کیا کہ چارسدہ حملے میں ملوث دہشتگردوں کو جلد کیفرکردار تک پہنچایا جائے گا۔آرمی چیف جنرل راحیل شریف نے افغانستان میں نیٹو افواج کے مشن کمانڈر جنرل جان کیمبل سے بھی ٹیلی فونک رابطہ کیا اور انہیں چارسدہ میں ہونے والی دہشتگردی سے متعلق تحفظات سے آگاہ کیا۔