تازہ ترین اطلاعات کے مطابق کامیدی نائٹ میں دادی کا کردار نبھانے والے علی اصغر نے شو بند ہونے کے راز سے پردہ اٹھاتے ہوئے کہا کہ پروگرام بندہونے کی اصل وجہ شو انتظامیہ اور کپل کے درمیان اختلافات ہیں۔

میڈیا کو دئے گئے ایک انٹرویو میں ان کا کہنا تھا کہ کامیڈی نائٹ صرف کپل اور چینل انتظامیہ کے درمیان آپسی رنجش کے باعث بند کیا جارہا ہے ،انہوں نے مزید بتایا مجھے بھی معلوم نہیں تھا کہ شو بند ہو رہا ہے ،چینل انتظامیہ نے کامیڈی نائٹ کی جگہ کامیڈی نائٹ بچاﺅ کو نشر کرنے کا فیصلہ کیاہے۔

کامیڈی نائٹ کے ایک اور معروف کردار سنیل گروور عرف گتھی کا شو بند ہونے کے حوالے سے کہنا تھا کہ پروگرام کی مقبولیت میں کمی نہیں آئی تھی اسے صرف چینل اور پروڈکشن ہاﺅس کے درمیان اختلافات کی وجہ سے بند کیا جا رہاہے،واضح رہے کہ کامیڈی نائٹ ود کپل کی آخری قسط چوبیس جنوری دو ہزار سولہ کو کلرز پر نشر کی جائے گی۔