کراچی: کراچی میں جگہ جگہ آلائشوں کے ڈھیر پڑے ہیں اور ان سے اب تعفن اٹھنے لگا ہے۔شہریوں کا کہنا ہے کہ بارش کے بعد کیچڑ سے پریشان تھے اب اس گندگی نے بھی زندگی اجیرن کردی ہے۔
طبی ماہرین کا کہنا ہے کہ اگر بروقت صفائی نہ کی گئی تو شہر میں آشوب چشم اور ڈائیریا سمیت دیگر وبائی امراض پھیل جائیں گے۔
عید الاضحی سے قبل صفائی کے بڑے بڑے دعوے کیے گئے۔ عید صفائی آپریشن کے لیے کئی دنوں تک سرکاری افسران اجلاس کرتے رہے۔ لیکن جب عمل کا وقت آیا تو اب کراچی کی یہ صورتحال ہے۔
کراچی کے پوش علاقوں کو چھوڑ کر باقی پورے شہر کی یہی صورتحال ہے جگہ جگہ آلائشیں پڑی ہیں اور اب ان سے تعفن اٹھ رہا ہے۔میئر کراچی وسیم اختر کہتے ہیں کام ہورہا ہے جلد ساری الائشیں اٹھالی جائیں گی۔
کراچی میں بارش کے بعد جگہ جگہ کیچڑ ہے اوپر سے آلائشوں سے اٹھنے والی بدبو نے عوامی کی زندگی اجیرن کردی ہے۔
پی ایم اے کے جنرل سیکریٹری ڈاکٹر قیصر سجاد کہتے ہیں کہ بروقت صفائی نہ کی گئی تو شہر میں وبائی امراض پھیل جائیں گے۔
ملک کے سب سے بڑے شہر میں اس وقت آلائشوں کی بدبو پھیلی ہے اورعوام سندھ حکومت اور کراچی کی ضلعی حکومت کو کوس رہے ہیں۔
