رپورٹ کی رو سے حملہ نو بج کربیس منٹ پر ہوا تھا جبکہ پندرہ منٹ بعد پولیس موقع پر پہنچ گئی۔ دہشت گردوں نے ہینڈ گرنیڈ پھینکے تاہم دھند کی وجہ سے سیکورٹی فورسز کو کاروائی میں مشکلات پیش آئیں۔ پاک فوج کے دستوں نے پہنچ کر چھتوں پر پوزیشن سنبھال لی جس کی وجہ سے دہشت گرد نچلی منزلوں کی طرف جانے پر مجبور ہو گئے جہاں پولیس نے انہیں ہلاک کر دیا۔ تحقیقاتی رپورٹ میں دہشت گردوں کی معاونت کرنے والے سات افراد کو پشاور اور چارسدہ سے گرفتار کیا گیا ہے جن کے ساتھ دہشت گرد ٹیلی فونک رابطے میں تھے۔