اداکارہ راکھی ساونت کہتی ہیں کہ وہ گُرمیت رام سنگھ پر ایک فلم بنائیں گی جس میں ان کا کردار گُر میت رام سنگھ کی لے پالک بیٹی ہنی پریت انسان (جس کے بارے میں خیال کیا جارہا ہے کہ وہ نیپال میں چُھپی ہوئی ہے)کا ہوگا۔

راکھی کا کہنا تھا کہ ہاں میں ہنی پریت کا کردار نبھا رہی ہوں کیوں کہ میں اُسے سات آٹھ سال سے جانتی ہوں۔ میں اس کے متعلق ہر چیز جانتی ہوں۔ مجھے یقین ہے وہ اس وقت لندن میں ہے۔ فلم کو میں اور میرے بھائی راکیش ساونت پروڈیوس کر رہے ہیں۔

فلم کی ریلیز کی تاریخ کا ابھی تک تعین نہیں کیا گیا ہے۔

واضح رہے سِکھ رہنما کو1999میں خاتون مریدوں سے زیادتی کے الزامات ثابت ہونے پر 25اگست کو جیل بھیج دیاگیا تھا۔ انہیں 20سال قید اور 30لاکھ کے جرمانے کی سزا سنائی گئی ہے۔