سوشل میڈیا پر کی جانے والی یہ حرکیتیں آپ کا کیریئر تباہ کرسکتی ہیں
سوشل میڈیا کے اس دور میں شاید ہی کوئی ایسا کاروباری یا ملازمت پیشہ فرد ہوگا جو فیس بک، ٹوئیٹر، واٹس ایپ اور لنکڈ ان جیسی سماجی رابطے کی ویب سائٹس کا استعمال نہ کرتا ہو۔ یہ تمام چیزیں محض تفریح کا ہی ذریعہ نہیں ہیں بلکہ ان کا صحیح طریقے سے استعمال کرکے انسان اپنے کیریئر کو شہرت اور کامیابی کی بلندیوں تک پہنچا سکتا ہے۔ تاہم انسان کو اس بات کا خیال رکھنا چاہیئے کہ سوشل میڈیا پر وہ حرکتیں نہ کی جائیں جن کی وجہ سے نہ صرف آپ کی ساکھ متاثر ہو بلکہ یہ حرکتیں آپ کا کیریئر بھی تباہ کرسکتی ہوں۔ آج ہم آپ کو بتانے جارہے ہیں کہ سوشل میڈیا پر کونسی ایسی حرکتیں ہیں جو آپ کا کیریئر برباد کرسکتی ہیں۔ ان کے بارے میں جانیں اور ایسی حرکات کرنے سے بالکل گریز کریں۔ کام سے متعلق شکایات انسان جہاں کام کرتا ہے وہاں ایسا بالکل بھی ممکن نہیں کہ ہمیشہ سب اچھا ہے کی رپورٹ ہو کبھی نہ کبھی کچھ مسائل کا سامنا بھی کرنا پڑسکتا ہے۔ ایسے حالات میں آپ کا دن دفتر میں اتنا اچھا نہیں گزرتا لیکن آپ کو اس بات کا سختی سے خیال کرنا چاہیئے کہ آفس کے معاملات اور پریشانیوں کو کبھی سوشل میڈیا پر شیئر نہ کریں کیونکہ ایسا کرنے سے آپ کی ناشکری کی عادت اور مشکلات سے لڑنے کی صلاحیت پر منفی اثرات مرتب ہوتے ہیں اور لوگوں کے ذہنوں میں آپ کے لئے منفی تاثر جاتا ہے۔ انٹرویو کے فوراً بعد فرینڈ ریکوئسٹ کسی بھی نئی اور اچھی نوکری کا حصول اتنا آسان نہیں ہوتا اس کے لئے کئی مراحل سے گزرنا پڑتا ہے جس میں لوگوں اور آفیشلز سے ملنا جلنا بھی شامل ہے۔ کچھ لوگ ان ملاقاتوں کے بعد بے تکلفی کے لئے انہیں فیس بک پر دوست بنانے کی کوشش کرتے ہیں اور فوراً فرینڈ ریکوئسٹ بھیج دیتے ہیں۔ ایسا کرنا مناسب نہیں چونکہ اگر انٹرویو اچھا ہو بھی گیا ہو تو ہوسکتا ہے آپ کے اور آپ کے ہونے والے باس کے خیالات مختلف ہوں جس کے باعث نوکری کے حصول سے قبل ہی آپ کو فارغ کردیا جائے۔ ہوش کے بجائے جوش سے کام لینا
