لیکن اب شو کو ان تمام چیزوں سے بھی گھمبیر صورتحال کا سامنا ہے۔ بگ باس کے ایک کنٹسٹنٹ زبیر خان (جن کے مبینہ طور پر داؤد ابراہیم کی فیملی کے ساتھ تعلقات ہیں) کو ہاؤس میٹس کے ساتھ بدتمیزی کرتے اور دھمکیاں دیتے دیکھا گیا ہے جس کے بعد شو کے ہوسٹ سلمان خان بھی آگ بگولہ ہوگئے۔ انہوں نے نہ صرف شو کے دوران زبیر کو جھاڑ پلائی بلکہ خبردار بھی کردیا۔

جبکہ دوسری جانب زبیر خان کو خود کو بہتر ثابت کرنے سے قبل ہی گذشتہ شب شو سے الیمنیٹ کردیا گیا۔ تاہم انہوں نے بگ باس ہاؤس چھوڑنے سے قبل ایک بڑا ڈرامہ کھڑا کردیا، انہوں نے اپنے پاس موجود تمام دوائیاں ایک ساتھ کھالیں جس کے بعد انہیں ہنگامی طور پر اسپتال منتقل کیا گیا۔ اب ان کی حالت بہتر ہے اور ایسا لگتا ہے جیسے وہ شو سے نکالے جانے پر انتہائی افسردہ ہیں۔

تاہم اسپتال سے ڈسچارج ہونے کے بعد وہ سلمان خان کے خلاف دھمکانے اور حراساں کرنے کی کمپلین لے کر مقامی تھانے پہنچ گئے لیکن پولیس نے ان کی ایف آئی آر درج نہ کی۔

پھر جب زبیر کوئی چارہ نظر نہ آیا تو انہوں نے ایک مقامی این جی او کو اپنا سہارا بنانے کا فیصلہ کیا اور ایک خط لے کر ہیلپ کیئر سینٹر پہنچ گئے۔ جس میں انہوں نے این جی او سے استدعا کی کہ میری مدد کی جائے۔

: ان کا لکھا گیا خط ملاحظہ کیجیئے