شائع 08 نومبر 2017 03:19pm

بھارت میں دھند اور آلودگی سے بولی وڈ ستارے متاثر

ھمیر رانا

پاکستان اور بھارت ان دنوں شدید دھند  کی لپیٹ میں ہیں اور دھند اور آلودگی سے تر زہریلی ہوا سے معمولات زندگی بری طرح متاثر ہورہے ہیں۔

بھارتی دارالحکومت نئی دہلی میں صورتحال  روز بروز پیچیدہ ہوتی جارہی ہے اور لوگوں کے لیے سانس لینا بھی مسئلہ بنتا جارہا ہے۔دہلی کی اسموگ اور زہریلی ہواسے عوام کے ساتھ بولی وڈ ستارے بھی متاثر ہوئے ہیں۔ لہذا اب وہ بولی وڈ اسٹارز جو کہ نئی دہلی میں ہیں ، انہوں نے اس حوالے سے اپنے تاثرات مائیکروبلاگنگ ویب سائٹ پر شیئر کیے ہیں، وہ تاثرات ذیل میں ہیں۔

 

 

I have clicked this selfie to show you guys what actual smog looks like. I don’t want to preach I am equally to blame for this mess as most of the citizens of our great country, but now instead of blaming each other and the government let’s change. It’s time we go green. #delhichokes

A post shared by Varun Dhawan (@varundvn) on

ورون دھون بھی اپنی فلم ’اکتوبر‘ کی شوٹنگ کے لیے دہلی  پہنچے ہوئے ہیں اور انہوں نے اپنی انسٹاگرام پر تصویر شیئر کی ہے، تصویر میں ماسک پہنے ہوئے ہیں اور کہا ہے کہ ان حالات پر الزام تراشی سے بہتر یہ ہے کہ خود اس سب کو بدلا  جائے اور  اب اسکا مناسب وقت ہے۔    

اداکار ارجن کپور بھی فلم کی شوٹنگ کے لیے دہلی میں مصروف ہیں لیکن آج انہوں نے  شاہراہ پر اسموگ کے باعث حادثے کی ویڈیو شیئر کی اور کہا کہ وہ شوٹنگ کے سلسلے میں دہلی میں  موجود ہیں اور یہاں پر  عوام کو سانس لینے میں مشکلات  کا سامنا ہےہے لہٰذا سیاسی و ذاتی ایجنڈے کو نظر انداز کرنا چاہیئے اور اس کا حل نکالنا چایئے ورنہ ہم سب اس صورتحال کا شکار ہوسکتے ہیں۔

 

   

بولی وڈ کی  چلبلی  اداکارہ پرینیتی چوپڑا ان دنوں فلمی کی شوٹنگ کے سلسلے میں دہلی میں موجود ہیں اور انہوں نے سماجی رابطے کی ویب سائٹ ٹوئٹر پر ماسک پہنے ایک تصویر پوسٹ کرتے ہوئے کہا ہے کہ  وہ  دو دن سے یہاں پر موجود ہیں اور اس سے  انکے سینے، سر اور گلے میں درد ہونے لگا ہے۔

پرینیتی نے مزید لکھا کہ ان کو یقین نہیں ہورہا کہ لوگوں کی حرکتوں کی وجہ سے اب ہمارے پاس صاف ہوا  بھی میسر نہیں ہے۔

انہوں نے ایک اور ٹوئٹ میں بچوں اور بوڑھوں کے بارے میں بھی عوام کو سوچنے پر  زود دیا۔

 

Read Comments