شائع 20 دسمبر 2017 05:24pm

کیا نریندری مودی، ویرات اور انوشکا کی دعوت میں شریک ہونگے؟

ھمیر رانا

انوشکا شرما اور ویرات کوہلی اٹلی میں شادی کے بعد اب واپس بھارت پہنچ چکے ہیں ۔ اٹلی میں ان کی شادی میں صرف اہلخانہ کے افراد اور قریبی دوستوں نے شرکت کی تھی ۔

پہلے اس نوشادی شدہ جوڑے نے سوشل میڈیا پر اپنی شادی کی تصاویر مداحوں سے شیئر کی تھیں۔ اب بہت جلد یہ جوڑا بھارت میں ایک گرینڈ ریسپشن منتقد کرنے جارہا ہے۔ کہا جارہا ہے کہ نوشادی شدہ جوڑے کی یہ دعوت انتہائی ہائی پروفائل ہوسکتی ہے کیونکہ انوشکا اور ویرات نے اپنی شادی کے بعد اس دعوت میں بھارتی وزیراعظم نریندر مودی کو بلایا ہے۔

انوشکا اور ویرات نے بھارتی وزیراعظم نریندر مودی سے ملاقات کی اور ان کو تقریب میں شرکت کی دعوت دی، جس پر بھارتی وزیراعظم نے بھی جوڑے کو شادی پر مبارکباد دی ہے۔

بھارتی وزیراعظم سے ملاقات کی یہ تصاویر ٹوئیٹر پر بھی شیئر کی گئی ہے۔ تصاویر میں انوشکا اور ویرات روایتی لباس میں انتہائی متاثر کن نظر آرہے ہیں۔

انوشکا اور ویرات اپنی شادی کے حوالے سے ایک تقریب نئی دہلی میں بھی منعقد کررہے ہیں یہ تقریب اکیس دسمبر کو ہوگی۔ جبکہ ایک اور تقریب چھبیس دسمبر کو منعقد کی جارہی ہے جس میں فنکاروں اور کرکٹرز کو بلایا جائیگا۔تاہم اب دیکھنا یہ ہے کہ بھارتی وزیراعظم نریندی مودی اس نوبیاہتا جوڑے کی دعوت میں شرکت کرتے ہیں یا نہیں ؟

Read Comments