پاکستان سے گہرا تعلق رکھنے والے بولی وڈ اسٹارز
انیس سو سینتالیس سے قبل جب پاکستان اور بھارت کے درمیان بٹوارا نہیں ہوا تھا تو اس وقت بھارت اور پاکستان میں رہنے والے خاندانوں کی آپس میں قریبی رشتہ داری تھی ۔ اور یہی کچھ بولی وڈ سپر اسٹارز پر بھی لاگو ہوتا ہے ۔ کیونکہ ان کے بھی کئی آباو اجداد نہ صرف پاکستان میں پیدا ہوئے بلکہ ابتدائی تعلیم بھی حاصل کی ۔ ذیل میں ایسے بولی وڈ اسٹارز بیان کئے گئے ہیں جن کا پاکستان سے قریبی تعلق رہا ہے۔ سنجے دت سنجے دت کے والد سنیل دت کی پیدائش جہلم کے قریب گاوں خرد میں ہوئی اور سنجے دت کی والدہ نرگس دت کا حقیقی نام بھی فاطمہ رشید تھا اور ان کی پیدائش بھی پاکستان میں ہوئی تھی۔ امیتابھ بچن امیتابھ بچن کی والدہ تیجی بچن کی پیدائش پنجاب میں لیل پور میں ہوئی اور اب یہ جگہ فیصل آباد کے نام سے جانی جاتی ہے۔ راجیش کھنہ راجیش کھنہ کی پیدائش بھی وہاڑی کے قریب بورے والا میں ہوئی اگرچہ کہ اکثریت کا خیال ہے کہ ان کی پیدائش امرتسر میں ہوئی ۔ اس طرح کا ان بھی پاکستان سے تعلق رہا ہے۔ امریش پوری امریش پوری کی پیدائش انیس سو بتیس میں لاہور میں ہوئی اور وہ پنجابی فیملی لالہ نہال سنگھ پوری سے تعلق رکھتے تھے تاہم بعد میں وہ مزید تعلیم کیلئے شملہ چلے گئے۔ گوندا گوندا کے والد ارون کمار اہوجہ کی پیدائش بھی گجرانوالہ میں ہوئی تاہم پارٹیشن کے بعد گوندا کے والد ممبئی منتقل ہوگئے جہاں پر گوندا کی پیدائش ہوئی۔ ہریتک روشن ہریتک روش کا بھی پاکستان سے بہت گہرا تعلق رہا ہے۔ ان کے پر دادا روشن بھی معروف موسیقار تھے اور وہ گجرانوالہ میں پیدا ہوئے۔ ان کے نانا کی پیدائش بھی سیالکوٹ میں ہوئی۔ ان کے نانا کا نام اوم پرکاش تھا۔
