اجلاس میں سیف اسکول پروجیکٹ کے تحت آٹھ ہزارسے زائد اسکولزکی چاردیواری بنانے کی بھی منظوری دی گئی، منصوبے کے لیے سات ارب چھ کروڑروپے لاگت آئے گی ۔

وزیراعلی سندھ قائم علی شاہ کی صدارت میں ہونے والے اجلاس میں نیشنل ایکشن پلان پرعملدرآمد تیز کرنے کے لیے اہم فیصلے ہوئے، صوبہ سندھ میں انسداد دہشت گردی کی دس عدالتیں فوری قائم کرنے اورگواہوں کوبیانات ریکارڈ کرانے کے لیے ویڈیوکانفرنس کی سہولت دینے کا فیصلہ کیا گیا۔سیکریٹری داخلہ سندھ نے اجلاس کوبتایا کہ گواہوں کے تحفظ کے لیے خصوصی سیل قائم کردیا گیا ہے۔