عمربڑھاپے کی طرف ،حسن جوانی کی طرف
عمر انسانی زندگی کی وہ حقیقت ہے جسے چاہ کر بھی ختم نہیں کیا جاسکتا ،ہر انسان چاہتا ہے کہ اس کی جوانی کا دور کبھی ختم نہ ہو اور وہ ہمیشہ حسین اور خوبصورت نظر آئے،لیکن ایسا ممکن نہیں۔ عمر وقت کے ساتھ بڑھتی رہتی ہے اور انسان بڑھاپے کی جانب مائل ہوتا رہتا ہے،بالآخر ایک ایسا وقت آتا ہے جب انسان کی خوبصورتی ماند پڑجاتی ہے اور وہ بوڑھا ہوجاتا ہے۔ لیکن ہماری انڈسٹری میں چند اداکار ایسے بھی ہیں جنہوں نے آج بھی اپنی خوبصورتی کو برقرار رکھا ہوا ہے۔ ان اداکاروں کو دیکھ کر لگتا ہے کہ وقت تھم گیا ہے، وہ جیسے آج سے دس سال پہلے نظر آتے تھے آج بھی ویسے ہی نظرآتے ہیں ،آج ہم آپ کو چند ایسے اداکاروں کے بارے میں بتائیں گے جنہوں نے وقت کو بھی مات دے دی ہے۔ ماہ نوربلوچ ماہ نور بلوچ ہماری ٹی وی انڈسٹری کی سدا بہار ادا کارہ ہیں وہ آج بھی ویسی ہی نظر آتی ہیں جیسی آج سے بیس سال پہلے نظر آتی تھیں،ہم انہیں بچپن سے دیکھتے ہوئے آرہے ہیں لیکن ان کی خوبصورتی میں کوئی فرق نہیں آیا۔ آپ کو یہ جان کر حیرانی ہوگی کہ وہ چوالیس سال کی ہوچکی ہیں اور آج سے بیس سال پہلے ایک خو بصورت سی بیٹی کی ماں بھی بن چکی ہیں ۔ فیصل قریشی فیصل قریشی پاکستان ٹی وی انڈسٹری کے بہت ہی باصلاحیت اور با اخلاق اداکار ہیں ،وہ اداکاری کے ساتھ میزبانی کے فرائض بھی انجام دے رہے ہیں ۔فیصل لگ بھگ چالیس سال کے ہو چکے ہیں ۔ شان شاہد شان پاکستان فلم انڈسٹری کا فخر ہیں ،انہوں نے تقریباً سترہ سال کی عمر میں فلم انڈسٹری میں قدم رکھا اور اب وہ تیرالیس سال کے ہو چکے ہیں، انہیں دیکھ کر آج بھی کئی نوجوان حسد کا شکار ہوجاتے ہیں ۔ فیصل رحمان فیصل رحمان کی عمر جان کر آپ شدید حیرت کا شکار ہوجائیں گے ،وہ سینتالیس برس کے ہو چکے ہیں اور آج بھی نوجوان اداکاروں سے زیادہ بہتر اداکاری کرتے نظر آتے ہیں۔ ریما خان ریما اور شان نے ایک ساتھ انیس سو ننانوے میں فلم بلندی کے ذریعے اپنے کیر ئیر کا آغاز کیا تھا ، ریما تیرالیس برس کی ہوچکی ہیں لیکن انہیں دیکھ کر کوئی نہیں کہہ سکتا کہ زندگی کی 43بہاریں دیکھ چکی ہیں۔ ریما جتنی حسین اپنی پہلی فلم میں تھیں اتنی خوبصورت آج بھی نظر آتی ہیں۔ عدنان صدیقی
