ن لیگ کے شفیع جاموٹ نے بھی پی آئی اے ملازمین پرتشددکے خلاف مذمتی قرارداد پیش کی۔ قرارداد پربحث کے دوران ایم کیوایم کے محمد حسین کا کہنا تھا کہ سندھ حکومت عدالتی کمیشن کے قیام میں بے بس نظرآرہی ہے۔جوکام سندھ حکومت کو کرنا چاہیے تھا وہ اسمبلی سے لینے کی کوشش کی جارہی ہے۔محمد حسین کی جانب سے عزیربلوچ کے ساتھ تصویرکے ذکرپرڈپٹی اسپیکرشہلا رضا سے تلخ جملوں کا تبادلہ ہوا۔

راشد خلی کا کہنا تھا کہ وفاقی اورصوبائی حکومتیں ایک دوسرے پرالزام تراشی کررہی ہیں،وفاق کی غلط پالیسی ہے تو صوبہ کہاں ہے۔پولیس کو کس نے گولی چلانے کے احکامات دئیے۔ جام مدد علی کا کہنا تھا کہ پی آئی اے واقعہ کے بعد تمام انگلیاں وزیراعلیٰ سندھ کی طرف جاتی ہیں۔