بولی وڈ کی بے باک اور دبنگ اداکارہ سوناکشی سنہا کا کہنا ہے کہ کترینہ کیف کے ساتھ ورک آؤٹ کرنا صحت کے لئے خطرناک ہے۔
غیر ملکی خبر رساں ادارے کے مطابق سوناکشی سنہا ان دنوں سلمان خان، کترینہ کیف اور جیکولین فرنینڈز کے ہمراہ دبنگ ٹور ری لوڈڈ میں مصروف ہیں۔
کترینہ کیف کے بارے میں مشہور ہے کہ وہ اپنی کارکردگی اور فٹنس پر کوئی سمجھوتہ نہیں کرتیں اسی لئے بھرپور ورک آؤٹ کو ترجیح دے کر کوئی کسر نہیں چھوڑتیں۔
جب دونوں اداکاراؤں سوناکشی سنہا اور کترینہ کیف نے ایک ساتھ ورک آؤٹ اور پریکٹس کرنے کا فیصلہ کیا تو سوناکشی سنہا نے ان کے ساتھ ورک آؤٹ کرنے کو صحت کے لئے خطرناک یا ممکنہ طور پر صحت کے لئے برخلاف قرار دے دیا۔
