پاکستان کے مختلف شہروں کی مشہورسوغاتیں۔۔۔
ویسے تو پاکستان میں کئی ایسی چیزیں اور مقامات ہیں جن کی وجہ سے ہمارا ملک پوری دنیا میں شہرت رکھتا ہے لیکن آج ہم آپ کو جن چیزوں کے بارے میں بتانے جا رہے ہیں وہ یقیناََ سننے اور پڑھنے والوں کے منہ میں پانی لے آئیں گی۔ پاکستان کے مختلف شہروں کی مختلف چیزیں اپنے منفرد ذائقے کے اعتبار سے کافی شہرت رکھتی ہیں جن میں سے کچھ کا آج ہم زکر کریں گے۔ لاہورکا چرغا ویسے تو لاہور کھانے پینے کی چیزوں کے حوالے سے کافی مشہور ہے مگر وہاں کا چرغا پورے پاکستان میں بہت مشہور ہے لاہور کے چرغے میں منفرد مصالحہ جات کا ستعمال کیا جاتا ہے جس کی وجہ سے اس کا ذائقہ نہایت لذیز ہوجاتا ہے۔ اس کے کھانے والے اپنی انگلیاں تک چاٹنے پر مجبور ہوجاتے ہیں۔ خان پور کے پیڑے خان پور کے پیڑے پاکستان کے شہروں کی سوغاتوں میں سے ایک ہے اور لوگ کئی دہائیوں سے کافی شوق سے اسے کھاتے اور دوسرے شہروں میں لے کر جاتے ہیں یہ اپنے منفرد ذائقے اور لذت کی وجہ سے پورے پاکستان میں کافی شہرت رکھتے ہیں اور جس نے بھی انہیں ایک بار کھایا ہو دوبارہ اسے کھانے کی خواہش ضرور رکھتا ہے۔ ملتان کا سوہن حلوہ ملتان کا سوہن حلوہ پورے پاکستان یہاں تک کے دوسرے ممالک میں بھی کافی شہرت رکھتا ہے۔جب کوئی بھی شخص کسی دوسرے شہر سے ملتان کا سفر کرتا ہے تو وہ لازمی سوہن حلوہ کھاتا بھی ہے اور اپنی دوستوں اور احباب کے لئے لے کر بھی جاتا ہے ملتان کے سوہن حلوے کی خوشبو اتنی خوبصورت ہوتی ہے کہ کھائے بغیر نہیں رہا جاتا۔ شکار پور کا اچار
