اعلامیے کے مطابق ڈاکٹر عاصم نے قومی خزانے کو بھاری نقصان پہنچایا۔ ایگزیکٹو بورڈ نے ڈاکٹر عاصم کے خلاف نئی تفتیش کی بھی منظوری دی۔ ڈاکٹر عاصم پر الزام ہے کہ انہوں نے سوئی گیس کمپنی اور او جی ڈی سی ایل کے ٹھیکوں میں بے قاعدگی کے ذریعے قومی خزانے کو دس ارب روپے کا نقصان پہنچایا۔اجلاس میں سندھ ریونیو بورڈ اور سندھ بلڈنگ کنٹرول اتھارٹی کے افسران کیخلاف بھی انکوائری کی منظوری دی گئی۔