ہڑتالی ملازمین کی شناخت اور ان کے خلاف شواہد کے حصول کے لیے ہیڈ آفس کے باہر موجود سی سی ٹی وی کیمروں کی فوٹیج سمیت الیکٹرونک میڈیا کی فوٹیج سے بھی مدد لی جائے گی، انتظامیہ نے سوا دو سو سے زائد احتجاجی ملازمین کو لازمی سروس ایکٹ کی خلاف ورزی پر شو کاز نوٹسز کا اجرا کیا ہے، بتیس ملازمین نے بہتر گھنٹوں کے دیے گئے وقت کے دوران نوٹسز کے جوابات جمع نہیں کرائے جن میں سے انجینیرنگ ڈیپارٹمنٹ کے چھ ملازمین کو گذشتہ روز نوکری سے برخاست کیا جا چکا ہے۔