سونونگم اب تک بھارتی شوبز کو کئی ہٹ گانیں دے چکے ہیں ۔ اور اپنی آواز کی بدولت نہ صرف بولی وڈ میں اپنا نام مستحکم کیا ہے بلکہ آئے روز وہ کسی نہ کسی کنسرٹ میں اپنی آواز کا جادو جگانے کیلئے بھی شرکت کرتے رہتے ہیں ۔
تاہم اب حال ہی میں سونو نگم ایک کنسرٹ کے دوران انتہائی خطرناک خطرے سے دوچار ہوئےاور اسکے باعث ان کو ہسپتال میں بھی داخل ہونا پڑا ہے۔
اب سونو نگم نے اپنے بگڑے ہوئے چہرے کے ساتھ ایک تصویرانسٹاگرام اکاونٹ پر شیئر کی ہے ، بتایا ہے کہ کس طرح سی فوڈ کھانے کے بعد وہ الرجی کا شکار ہوئے اور ان کے چہرے کا یہ حال ہوگیا۔
پوسٹ پر انہوں نے مزید کہا ہے کہ اب وہ اڑیسہ سے کنسرٹ میں شرکت کرکے واپس آگئے ہیں اور ان کو اپنے ساتھ ہونے والے واقعے کو مداحوں سے شیئر کرتے ہوئے کسی بھی قسم کی قباہت محسوس نہیں ہورہی ہے۔
سونو نگم نے مزید کہا ہے کہ کبھی بھی کسی الرجی کو معمول نہیں تصور کیا جانا چاہیئے ۔ انہوں نے خود اپنی حالت کو مداحوں کیلئے بھی سبق قرار دیا اور کہا ہے کہ کبھی بھی اس حوالے سے کوئی چانس نہ لیں۔
گلوکار نے مزید کہا کہ اگر الرجی کے بعد ہسپتال قریب نہیں ہوتا تو یقینی طور پر انکی طبیعت مزید بگڑ گئی ہوتی۔ اس موقعے پر مداحوں کی جانب سے نیک تمنا کا اظہار کرنے پر انہوں نے شکریہ بھی ادا کیا۔
Source: Official Instagram Account
