رینجرز کے کرنل شاہد نے میڈیا کو بریفنگ میں بتایا کہ تینوں ملزمان کا تعلق لسانی جماعت سے ہے جنہوں نے بھارتی خفیہ ایجنسی را سے تربیت حاصل کر رکھی ہے ۔رینجرز کے مطابق ملزمان کراچی سے براستہ کولمبو اور بینکاک دہلی پہنچے ، جہاں انہیں ہریانہ اور دیرہ دون کے علاقوں میں اسلحہ چلانے اور بم بنانے کی تربیت دی گئی۔

رینجرز کے مطابق تینوں ملزمان قتل ، اقدام قتل سمیت بم اور راکٹ حملوں میں بھی ملوث رہے ہیں ، جبکہ ملزمان پرماضی میں کی گئی ہڑتالوں کے دوران فائرنگ کرکے خوف و ہراس پھیلانے اور جبری بھتہ وصولی کے بھی الزامات ہیں۔