عدالت کے باہرمیڈیا سے بات چیت کرتے ہوئے یوسف رضا گیلانی نے کہا کہ میرے خلاف جھوٹے مقدمات بنائے گئے،چورمیرے خلاف وعدہ معاف گواہ بن گئے ہیں۔سابق وزیراعظم کا کہنا تھا کہ اگر اسی طرح کیس بنائے گئے تو کوئی بھی وزیراعظم محفوظ نہیں رہے گا۔

انہوں نے کہا کہ کمپنیوں کے جعلی ہونے یا نہ ہونے کا فیصلہ وزیراعظم نہیں آڈیٹر کرتا ہے، ہر کام وزیراعظم کے کرنے کا نہیں ہوتا
سابق وزیراعظم کے وکیل فاروق نائیک کا کہنا تھا کہ یوسف رضا گیلانی کو سیاسی انتقام کا نشانہ بنایا جارہا ہے۔انہوں نے مزید کہا یوسف رضا گیلانی عدالت کے احترام میں ہمیشہ آتے رہیں گے۔