اس موقع پر کور کمانڈر نے آرمی چیف جنرل راحیل شریف کو شوال میں دہشتگردوں کے خلاف جاری آپریشن میں پیشرفت کے بارے میں بریفنگ بھی دی۔آرمی چیف جنرل راحیل شریف نے سی ایم ایچ کا دورہ بھی کیا جہاں انہوں نے دہشتگردوں کی فائرنگ سے زخمی ہونے والے جوانوں کی عیادت کی۔جنرل راحیل شریف نے غمزدہ خاندانوں سے یکجہتی کا اظہارکرتے ہوئے شہدا کو خراج عقیدت پیش کیا۔آرمی چیف کا کہنا تھا کہ ہمارے جوانوں نے اپنی جان قربان کر دی مگر دہشتگردوں کو بھاگنے نہیں دیا

جنرل راحیل شریف نے ملک بھر سے دہشت گردوں کے خاتمے کا عزم کرتے ہوئے کہا کہ پاک افغان سرحد سمیت دہشتگردوں کا ہر ٹھکانہ نیست و نابود کر دیا جائے گا،پاک فوج دہشتگردی کے خاتمہ کیلئے آخری حد تک جائے گی۔