حکومتی ذرائع کا کہنا ہے کہ پچیس مارچ تک وفاقی سطح پرمردم شماری کرانے کا فیصلہ نہ ہونے کی صورت میں سندھ اسمبلی میں بل پیش کیا جائے گا۔بل کے تحت سندھ حکومت کی نگرانی میں مردم شماری کرانے اوراس کے لیے ایک ادارے کے قیام کوآئینی تحفظ دیا جائے گا۔

سندھ حکومت کی نگرانی میں مردم شماری کرانے کے معاملہ پرآئندہ چند روزمیں سیاسی مشاورت کا دائرہ مزید وسیع کردیا جائے گا۔مردم شماری کے مسئلہ پرسندھ میں ہونے والی کل جماعتی کانفرنس میں بتیس جماعتوں نے پیپلزپارٹی کومردم شماری جلد کرانے کا ٹاسک دیا تھا۔