انہوں نے مزید کہا کہ میں کہتا تھا خدا کے واسطے کارکنوں کو پڑھنے دو۔کہتا رہا کہ لوگوں پر رحم کرو انہیں گرفتار نہ کرواؤ۔خدا کے واسطے کارکنوں کو عزت دو۔انہیں ٹشو پیپر کی طرح استعمال نہ کرو۔میں کارکنوں کو چھڑانے کے لئے انتظامیہ سے بات کرتا رہا ہوں۔

پریس کانفرنس میں انہوں متحدہ قومی مومنٹ کو چھوڑنے کا اعلان کیا ساتھ ہی صوبائی نشست چھوڑنے کا بھی اعلان کردیا کہا کہ میں ڈلیور نہ کر سکا اس لیے اپنے ووٹرز سے معافی مانگتا ہوں۔

ڈاکٹر صغیر احمد کے بعدانکے ہمراہ بیٹھے مصطفی کمال نے کہا کہ پاکستان میں امن کے لیے آئے ہیں۔ہمارا ٹارگٹ ایم کیو ایم نہیں بلکہ تمام لوگ ہیں۔ماضی میں جو ثبوت دیئے گئے پہلے ان پر بات کرلی جائے۔ثبوت مانگنے والے اس پر کام کریں جو ان کے پاس موجود ہے۔

انکا کہنا تھا کہ اپنی قوم اور ووٹرز سے سچ پر مبنی بات کی۔تحریک انصاف سمیت کسی پارٹی نے رابطہ نہیں کیا۔نئے صوبے بننا کوئی گناہ نہیں ہے۔سندھ کے لوگ جب صوبہ بنانے کے لیے تیار ہونگے تو صوبہ بن جائے گا۔

ایک صحافی کے سوال پر مصطفی کمال کا کہنا تھا کہ ڈاکٹر صغیر احمد کی شمولیت ہمارے لیے چھکا یا چوکا نہیں بلکہ سینچری ہے۔