ڈی آئی جی کے مطابق کچہری میں پولیس کی بھاری نفری تعینات تھی ، اہلکار شبیر نے اس موقع پر بہادری کا ثبوت دیا اور جان کا نذرانہ دیتے ہوئے کچہری کو بڑی تباہی سے بچایا۔حملہ آور کا تعلق افغانستان اور سہولت کار پاکستانی تھا۔ڈی آئی جی مردان سعید وزیر کے مطابق کچہری پر حملے کے خطرے کے پیش نظر پہلے سے سیکیورٹی سخت کردی گئی تھی ،واقعہ کے فوری بعد قانون نافذ کرنے والے اداروں اور پاک فوج کے دستوں نے علاقے کو گھیرے میں لے لیا۔

حملے میں جاں بحق دو پولیس اہلکاروں محمد یامین خان اور شبیر جان کی نماز جنازہ پولیس لائن میں ادا کی گئی۔نماز جنازہ میں ڈی آئی جی مردان، ڈی پی او، ایم این اے، ایم پی اے اور عوام کی بڑی تعداد نے شرکت کی۔جاں بحق پولیس اہلکاروں کو پولیس اعزاز کے ساتھ آبائی علاقوں سپرد خاک کردیا گیا۔

[video poster="https://i.aaj.tv/wp-content/uploads/2016/03/PESHAWAR-FARHAN-AHMED-REPORT-AIRED-0622_x264-mp4-image.png" width="700" height="400" mp4="https://i.aaj.tv/wp-content/uploads/2016/03/PESHAWAR-FARHAN-AHMED-REPORT-AIRED-0622_x264.mp4"][/video]