سعودی عرب میں کورونا وائرس کی وجہ سے مسجد الحرام میں خانہ کعبہ میں مطاف اور کچھ حصوں  کو عارضی طور پر بند کردیا گیا ہے اور وہاں پر صفائی اور اسپرے  کیا گیا ہے۔

سعودی حکام نے بھی اس حوالے سے تصدیق کی ہے ، پہلے کبھی اسلامی تاریخ میں خانہ کعبہ کا طواف روکنے کی مثال نہیں ملتی تاہم اب سعودی حکام کی جانب سے یہ قدم کورونا وائرس کے پیش نظر کیا گیا ہے۔

سعودی سرکاری میڈیا نے بھی اس حوالے سے خانہ کعبہ کی تصاویر نشر کی ہیں جس میں خانہ کعبہ کا مطاف خالی دکھایا گیا ہے۔

The Grand Mosque in #Mecca will briefly close overnight and reopen an hour before Friday morning prayers as Saudi Arabia's authorities take unprecedented steps to prevent the potential spread of #coronavirus and protect Umrah pilgrims.#COVID_19https://t.co/9CIQzXM1xA pic.twitter.com/XYlUGuKC0u

— Al Arabiya English (@AlArabiya_Eng) March 5, 2020

سعودی حکام کے مطابق یہ قدم عارضی طور پر اٹھایا گیا ہے تاہم مسجد الحرام کی اوپری منزل تاحال نماز اور دیگر عبادات کیلئے کھلی ہوئی ہے۔

تاہم ان حصوں کی بندش جمعے کے روز نماز فجر تک رہیگی جس کے بعد اس کو دوبارہ  کھول دیا جائے گا۔

اس حوالے سے تصاویر بھی سوشل میڈیا پر وائرل ہورہی ہیں ۔

اس سے قبل سعودی عرب میں کورونا وائرس سے مزید تین افراد متاثر ہوئے تھے ۔کورونا وائرس نے سعودی عرب میں بھی پنجے گاڑھ لیے ۔

عرب میڈیا کے مطابق سعودی عرب میں آج تین افراد میں کورونا وائرس کی تصدیق ہوئی ۔ جس کے بعد  متاثرہ مریضوں کی تعداد پانچ ہوگئی۔

کوروناوائرس کے شکار تینوں شہریوں نے ایران کا دورہ کیا تھا ۔ وائرس سے نمٹنے کیلیے حرم شریف میں مطاف کو عارضی طور پر بند کردیا گیا ۔ اور وہاں  صفائی اور اسپرے کیا گیا ۔