وزیر اعظم عمران خان اوروزیرمذہبی امور نورالحق قادری کے درمیان ملاقات ہوئی جس میں وزیراعظم نے ‏حفاظتی تدابیرپرمبنی لائحہ عمل ترتیب دینے کی ہدایت  کی۔جبکہ صدرعارف کی زیر صدارت علماء ‏کا اجلاس کل ہوگا۔نورالحق قادری نےکہتےہیں‏کہ امید ہےکل کےاجلاس میں اتفاق رائےپیداکرلیں گے۔

وزیراعظم عمران خان سےوزیرمذہبی امورنورالحق قادری نےملاقات ‏کی۔ملاقات میں علماءومشائخ کےساتھ صدر کی زیر صدارت کل ہونے ‏والی ملاقات کے بارے میں بات چیت ہوئی۔

وزیراعظم نے ہدایت کی کہ علماء کی مشاورت اوررہنمائی میں رمضان ‏کےلئےحفاظتی تدابیر پر مبنی لائحہ عمل ترتیب دیاجائے۔

وزیرمذہبی امورنےمیڈیاسےگفتگومیں کہا کہ علماء سے ‏رابطے میں ہیں۔علماء بھی اپناموقف پیش کریں گے۔ امید ہے کل کے اجلاس میں ‏اتفاق رائے پیدا کرلیں گے۔

صدرعارف علوی نے مولانا فضل الرحمٰن، سراج الحق، ساجد میر اور رانا ‏تنویرسے ٹیلی فونک رابطہ کیا اورکل علماءسےہونے والے مشاورتی اجلاس پر تبادلہ خیال کیا۔

صدرمملکت کی زیرصدارت علماء‏مشائخ اجلاس کل ہوگا۔جس میں کوروناوائرس کےپھیلاؤ کوروکنےکےلئے ‏موثر اقدامات پر لائحہ عمل تیار کیا جائےگا۔