چھپکلی ایک ایسا جانور ہے جس سے ہر کوئی خوف کھاتا ہے اورسب زیادہ خوف توچھپکلی سے خواتین کھاتی ہیں۔اکثر چھپکلیاں گندی میں زیادہ آتی ہیںاور جب ایک جگہ مسلسل گندگی رہے تو چھپکلیاں اپنا ڈیرہ وہی بنا لیتی ہیں۔
اس کے ساتھ ساتھ چھپکلیاں مکروہ اور نقصان دہ حشرات کوکھاتی ہیں، اس کے باوجود انھیں انسان دوست کہا جاسکتا۔ وہ خواتین جو جب لال بیگ یاچھپکلی کودیکھتے ہی خوف زدہ ہو جاتی ہیں،اب ان کو خوف زدہ ہونے کی ضرورت نہیں ہے۔
چھپکلی اب آپ کو کبھی تنگ نہیں کرے گی ، یہ بات گارنٹی کے ساتھ کہی جا سکتی ہے۔آج ہم آپ سے چند ایسے ہی ٹوٹکے شیئر کریں گے جن سے آپ کو ہمیشہ کے لیے چھٹکارہ مل جائے گا۔
٭ پیاز
پیاز کودیکھ کر ہم تو نہیں، البتہ چھپکلیاں ضرور خوف زدہ ہوجاتی ہیں۔ ایک پیاز لے کر چند ٹکڑے کرلیں۔ پھر انھیں ایسے گوشوں میں دھاگاباندھ کر لٹکادیں، جہاں چھپکلیوں کے چھپنے کاامکان ہو۔ پیاز کی بو چھپکلیوں کو ناگوار گزرتی ہے اور وہ اس جگہ کو چھوڑ دیتی ہیں۔ پیاز کے ٹکڑوں کو خشک ہونے کے بعد پھینک دیں اور ان کی جگہ تازہ پیاز کے ٹکڑے لٹکا دیں۔
٭ انڈوں کے چھلکے
چھپکلیاں جہاں مستقل طور پر رہتی ہوں، وہاں انڈوں کے خالی چھلکے لٹکادیں۔ چھپکلیاں وہاں سے بھاگ جائیں گی۔ یہ سوچ کرکہ ان کے علاوہ بھی وہاں کوئی اور مخلوق آگئی ہے، لہٰذا وہ اس جگہ کوچھوڑدیتی ہیں۔ انڈوں کی جگہ کوتبدیل کرتے رہیں۔ پھر ہرماہ ان چھلکوں کو پھینک کران کی جگہ نئے چھلکے لٹکا دیں۔
٭لہسن
پیاز کی طرح لہسن سے بھی چھپکلیاں بھاگ جاتی ہیں۔ اسے استعمال کرنے کے دوطریقے ہیں۔ایک تو یہ کہ لہسن چھیل کراس کی پوتھیاں باندھ کران جگہو ںپرلٹکادیں، جہاں سے ان کے آنے کاامکان ہو۔
دوسرا طریقہ یہ ہے کہ پیاز اور لہسن کاپتلا آمیز تیار کرکے اسے اسپرے میں ڈال دیں اور ایسی جگہوں پر اسپرے کر ڈالیں، جہاں چھپکلیاں
رہتی ہیں یاجہاں ان کے رہنے کا خطرہ ہو۔
٭کافی پاوڈر کی گولیاں
کافی کولے کرپیس لیجیے اور اس میں پسا ہوا تمباکو ملالیجیے۔ پانی میں یہ آمیزہ گھول کراس کی چھوٹی چھوٹی گولیاں بنالیں۔ پھر خلال کرنے والی چھوٹی تیلیاں لے کر ان کے نوک دار سروں پر گولیاں لگا کر انھیں اس مقام پر لٹکا دیں، جہاں چھپکلیاں آتی جاتی ہیں۔ اگر چھپکلی ان گولیوں کوکھائے گی تو چند منٹ بعد مرجائے گی۔
٭ کافورکی گولیاں
کیڑوں اور حشرات کوبھگانے کے لیے کپڑوں کی الماری میں کافور کی گولیاں ڈالی جاتی ہیں۔ چھپکلیوں کو بھگانے کے لیے بھی یہی طریقہ آزمائیں۔ ان گولیوں کو باورچی خانے کے برتنوں کی الماری میں ڈال دیں، مگر بچوں کی پہنچ سے دو رکھیں۔ یہ گولیاں بچوں کی زندگی کے لیے خطرناک ثابت ہوسکتی ہیں۔
٭کالی مرچ کااسپرے
چھپکلیوں کو بھگانے کے لیے پسی ہوئی کالی مرچ کے محلول سے بہتر کوئی چیز نہیں ہوسکتی۔ کالی مرچ پیس کر پانی میں ملالیں۔ پھران جگہوں پر اسپرے کردیں، جہاں چھپکلیوں کے رہنے کاامکان ہو، خاص طور پر باورچی خانے میں ضرور اسپرے کریں۔ باورچی خانے کے برتنوں کی الماری کے چاروں طرف اور چولھے کے نیچے، جہاں ان کے رہنے کی جگہ ہے، ان جگہوں پر بھی ضرور اسپرے کر دیں۔ کالی مرچ کی بو چھپکلیوں کے لیے ناگوار ہوتی ہے، اس لیے آپ جہاں اس کااسپرے کریں گے، چھپکلیاں وہاں سے بھاگ جائیں گی۔
