اسلام آباد:حکومت نے پٹرولیم مصنوعات کی قیمتوں میں رد و بدل کا فیصلہ  کرلیا،یکم جون سے پٹرول کی قیمت میں 7 روپے 6 پیسے فی لیٹر کمی کی سفارش کی گئی ہے۔

اوگرا نے یکم جون سے پٹرولیم مصنوعات کی قیمتوں میں ردوبدل کی سمری وزرات پٹرولیم کو ارسال کردی ، پٹرول ، مٹی کے تیل کی قیمت میں کمی اور ڈیزل کے نرخوں میں اضافے کی تجویز دی گئی۔

اوگرا نے پٹرول کی قیمت میں 7 روپے 6 پیسے فی لیٹر کمی کی سفارش کر دی جبکہ  مٹی کے تیل کی قیمت میں 11 روپے 88 پیسے کمی، لائٹ اسپیڈ ڈیزل کی قیمت میں 9 روپے 37 پیسے کمی اور ڈیزل کی قیمت میں 5 پیسے فی لیٹر اضافے کی سفارش کی گئی ہے۔

   وزارت پیٹرولیم کی جانب سے سمری کی منظوری کے بعد  یکم جون سے پٹرولیم مصنوعات کی نئی قیمتوں کا اطلاق ہوگا۔