اسلام آباد میں تمام عوامی جگہوں پر ماسک پہننا اب لازم قرار دے دیاگیا ،مجسٹریٹ ماسک نہ پہننے والوں پر 3ہزار روپے تک جرمانہ عائد کر سکے گا۔
ڈپٹی کمشنر اسلام آباد حمزہ شفقات کا ٹویٹ میں کہنا ہےکہ شہر اقتدار میں تمام عوامی جگہوں پر ماسک پہننا اب لازم قرار دے دیاگیا ، مارکیٹوں،عوامی مقامات مساجد،پبلک ٹرانسپورٹ،لاری اڈہ،گلیوں،سڑکوں، دفاتر میں چیکنگ ہوگی۔
ماسک نہ پہننے والوں پر مجسٹریٹ 3ہزار روپے تک جرمانہ عائد کر سکے گا اور خلاف ورزی کرنے والوں کو دفعہ 188تعزیرات پاکستان کے تحت جیل بھی بھیجا جا سکتا ہے۔