پاکستان کے عالمی شہرت یافتہ گلوکار عاطف اسلم نے گزشتہ دنوں قومی ٹیم کے مایہ ناز آل راؤنڈر اور سابق کپتان شعیب ملک کے ساتھ انسٹاگرام پر لائیو سیشن کیا۔
اس لائیو سیشن کے دوران ورسٹائل گلوکار عاطف اسلم نے ایک مداح کی درخواست پر لڑکی کی آواز میں گانا گا کر سنایا۔
جب شعیب ملک نے ابتداء میں عاطف سے ماسک پہن کر لڑکی کی آواز میں گانا گانے کو کہا تو پہلے وہ تھوڑے ہچکچائے اور خود کو کیمرے کے آگے سے ہٹا لیا مگر بعد میں گانے گاتے ہوئے سامنے آئے اور مداحوں کو اپنی جھلک دکھائی۔
انہوں نے لڑکی کی آواز میں 'آج جانے کی زد نہ کرو' گانے کی کچھ لائنز گنگنائیں، ذیل میں ویڈیو ملاحظہ کریں۔
واضح رہے کہ کورونا وائرس کی وجہ سے حالیہ دنوں میں متعدد سلیبریٹیز آن لائن انٹرویوز کے ذریعے مداحوں کو محظوظ کررہے ہیں۔
