حال ہی میں اداکار ورون دھون کی جانب سے جاری کیا گیا بیان کہ وہ اب کبھی رو ہت شیٹھی کے ساتھ کام نہیں کریں گے نے میڈیا میں ہلچل مچادی تھی۔لیکن اب ورون نے اپنے گزشتہ بیان کی تردید کرتے ہوئے کہا ہے کہ میں نے ایسا کوئی بیان جاری نہیں کیا تھا ۔

ورون نے مزید گفتگو کرتے ہوئے کہا کہ روہت میرے پسندیدہ ہدایتکاروں میں سے ہیں ان کے ساتھ کام کرکے مجھے بیحد مزہ آیا،میں مستقبل میں بھی ان کے ساتھ کام کر کے بے انتہا خوشی محسوس کرونگا۔

واضح رہے کہ گزشتہ سال ریلیز ہوئی روہت شیٹھی کی فلم دل والے مداحوں کو متاثر کرنے میں ناکام رہی تھی،فلم میں بولی وڈ کنگ شاہ رخ خان اور کاجول کے علاوہ ورون دھون اور کیرتی سونن بھی اہم کرداروں میں نظر آئے تھے۔