پنجاب میں کورونا کا پھیلاؤ روکنے کیلئے حکومتی لاک ڈاؤن جاری ہے مگر عوام احتیاطی تدابیر پر عملدرآمد کرنے کو تیار نہیں۔
لوگوں کا کہنا ہے کہ احتیاطی تدابیر پر عملدرآمد کیلئے حکومت کو سخت لائحہ عمل اختیار کرنے کی ضرورت ہے۔
ملک کے دیگر صوبوں کی نسبت پنجاب میں کورونا کے مریضوں کی تعداد سب سے زیادہ ہے، روز بروز اضافے کے ساتھ اموات کا سلسلہ بھی جاری ہے۔
لاک ڈاؤن میں ہفتہ وار دو روز کی سختی آج سے شروع ہوگئی ہے، مگر عوام کی جانب سے ایس او پیز پر عمل درآمد نہ ہونے کے برابر ہے۔
شہریوں کا کہنا ہے کہ کورونا ایس او پیز پر حکومت کو سختی سے عمل کروانا ہو گا۔
کورونا سے زیادہ متاثر ہونے والے علاقوں کو سیل کر دیا گیا ہے، جن میں سبزی، دودھ دہی، کریانہ سٹور صبح نو بجے سے شام سات بجے جبکہ میڈیکل سٹور چوبیس گھنٹے تک کھلے رہیں گئے۔
