وہ اجزاءکیا ہے؟ وہ اجزاءلونگ ہے۔لونگ کو پیس پیس کے لونگ کا تیل تیار کیا جاتا ہے۔ یہ تیل کئی خصوصیات سے لیس ہے ۔اس تیل سے جلد اور بالوں سے جڑی بہت سے مسائل سے چھٹکارا حاصل کیا جاسکتا ہے۔ لونگ کے تیل میں اعلیٰ مقدار میں اینٹی آکسیڈینٹ خصوصیات ہیں۔ لونگ کے تیل میں پوٹاشیم ، سوڈیم، فاسفورس، آئرن اور وٹامن اے اور سی جیسے معدنیات شامل ہیں۔

لونگ تاثیر میں ٹھنڈا ہوتا ہے لہٰذا جلد پر لگانے سے یہ تیل ٹھنڈک پیش کرتا ہے۔ لونگ کا تیل دانت کے درد سمیت جلے، کٹنے اور جلد سے متعلقہ کئی بیماریوں سے چھٹکارا حاصل کرنے میں فائدہ مند ثابت ہوتا ہے۔ اس کے علاوہ، یہ گنجاپن، روسی اور بالوں کا جھڑنا بھی روکتا ہے۔

اس کے علاوہ لوگ کے کیا کیا فائدے ہیں، وہ درج ذیل ہیں۔۔۔

مہاسو سے نجات
لونگ کے تیل میں موجود خصوصی اجزاءجلد میں مہاسو کو پھیلانے والے بیکٹیریا کا خاتمہ کرتے ہیں۔ بھدے مہاسو سے نجات حاصل کرنے کے لئے ان پر لونگ کا تیل لگایا کریں۔ اس تیل کو رات بھر رہنے دیں اور پھر صبح اپنے چہرے کو پانی سے دھو لیں۔

داغ دھبوں سے چھٹکارا
لونگ کا تیل داغ دھبوں کو ہی نہیں بلکہ چوٹ کے نشانات کو بھی مٹانے میں مدد گار ثابت ہوتا ہے۔ یہ قدرتی تیل جلد کی اوپری پرت کو ہٹا دیتا ہے اور داغوں کو غائب کر دیتا ہے۔ اس طرح یہ آپ کی جلد کی رنگت کو نکھارکے اس کو صحت مند بناتا ہے۔

اینٹی آکسیڈینٹ کا ذریعہ ہے
لونگ کے تیل میں بھرپور مقدار میں موجود معدنی آپ کی جلد پرا ینٹی آکسیڈینٹ کے طور پر کام کرتے ہیں۔ یہ عنصر آپ کی خوبصورتی کو بڑھاتے ہیں۔یہ تیل کٹنے، جلانے اور زخم کے علاج میں بھی کام آتا ہے۔

کنڈیشنرکے طور پر کام کرتا ہے
اس تیل کا استعمال کنڈیشنر کے طور پر بھی کر سکتے ہیں۔ لونگ کا تیل بالوں سے جڑے بہت سے مسائل کو ٹھیک کرتا ہے۔یہ آپ کے بالوں کو طویل اور نرم کرتا ہے اور آپ کو سپلٹ ایڈس سے نجات حاصل کرنے میںبھی مدد کرتا ہے۔

بال جھڑنے سے روکے
اگر آپ طویل، گھنے بالوں کو حاصل کرنا چاہتے ہیں تو اس کے لئے لونگ کے تیل کو ناریل کے تیل میں ملا کے اپنے سرمیں مساج کریں۔ اس تیل کو بالوں میں دو گھنٹوں کے لئے رہنے دیں اور بعد میں اپنے بالوں کو شیمپو سے دھو لیں۔ اس طرح اس عمل کو ہفتے میں ایک بار دہرائیں۔