بلوچستان سے بھارتی خفیہ ایجنسی "را" کا ایجنٹ اور بھارتی فوج کا حاضر سروس افسر پکڑا گیا۔گرفتار بھارتی ایجنٹ سے متعلق آج نیوز نے تفصیلات حاصل کرلیں۔را کے ایجنٹ کا نام کل بھوشن یادو ہے جوبھارتی نیوی میں کمانڈر بھی ہے۔ذرائع کا کہنا ہے را کے ایجنٹ کل بھوشن یادو کراچی میں کارروائیوں اور دہشت گردوں کی معاونت کا اعتراف کرچکا ہے۔

وزیراعلیٰ بلوچستان نے کہا ہے را کے ایجنٹ کی گرفتاری حکومت اور فورسز کی بڑی کامیابی ہے۔ایک بیان میں انہوں نے کہا را پاکستان اور بلوچستان میں عدم استحکام پیدا کرنا چاہتی ہے۔نواب ثناء اللہ زہری نے کہا ہمیشہ موٴقف رہا ہے کہ را پاکستان میں حالات خراب کررہی ہے۔

اس سے قبل بھی پاکستان نے بلوچستان میں بھارتی مداخلت کے ثبوت اقوام متحدہ میں پیش کرچکا۔بلوچستان سے بھارتی ایجنٹ کی گرفتاری نے پاکستانی دستاویز کی تصدیق کردی ہے۔